ಸ್ಪೂರ್ಥಿಸೆಲೆ 10-May-10

ಸೌಂದರ್ಯಕ್ಕೆ ಮಹತ್ವ ಕೊಟ್ಟರೆ ಒಂದು ದಿನ ಅದು ಮುಕ್ಕಾಗುತ್ತದೆ. ಹಣಕ್ಕೆ ಮಹತ್ವ ಕೊಟ್ಟರೆ ಒಂದು ದಿನ ಅದೂ ಖಾಲಿಯಾಗುತ್ತದೆ . ಉತ್ತಮ ಗುಣ ಹಾಗಲ್ಲ ಅದು ಶಾಶ್ವತ .

ಸ್ಪೂರ್ಥಿಸೆಲೆ 8-May-10

ಜೀವನದಲ್ಲಿ ಸಂತಸ ಅನುಭವಿಸಬೇಕು ಅಂದ್ರೆ ಇಂದು ಮೊದಲ ದಿನ ಅಂತ ಭಾವಿಸಿ . ಏನಾದರೂ ಸಾಧಿಸಬೇಕು ಅಂತ ನಿರ್ಧರಿಸಿದರೆ ಇಂದೇ ಕೊನೆ ದಿನ ಎಂದು ಭಾವಿಸಿ .

ಸ್ಪೂರ್ಥಿಸೆಲೆ 5-May-10

ಕಳೆದು ಹೋದ ಹೊತ್ತು ಮುತ್ತು ಕೊಟ್ಟರೂ ಬಾರದು .

ಸ್ಪೂರ್ಥಿಸೆಲೆ 4-May-10

ದುರ್ಜನರಿಗೆ ಬಂದ ಸಂಪತ್ತು , ಸಜ್ಜನರಿಗೆ ಬಂದ ವಿಪತ್ತು ಹೆಚ್ಚು ದಿನ ಇರುವುದಿಲ್ಲ .

Tips

ಅಡುಗೆ ಮಾಡುವುದು ಅದ್ಭುತ ಕಲೆ. ಅಡುಗೆ ಮನೆಯನ್ನು ನೀಟಾಗಿಟ್ಟುಕೊಳ್ಳುವುದು ಮತ್ತು ಅಡುಗೆ ಪದಾರ್ಥಗಳನ್ನು ಕೆಡದಂತೆ ಬಳಸುವುದು ಕೂಡ ಒಂದು ಕಲೆಯೇ

೧. ದೋಸೆ ಮಾಡುವಾಗ ದೋಸೆ ಕಾವಲಿಗೆ ಕಚ್ಚುತ್ತಿದ್ದರೆ ಒಂದು ಈರುಳ್ಳಿಯನ್ನು 1/2 ಮಾಡಿ ಕಾವಲಿಗೆ ತಿಕ್ಕಿ ದೋಸೆ ಹುಯ್ಯಿರಿ .

೨. ಟೀ ಮಾಡುವಾಗ ಸ್ವಲ್ಪ ಏಲಕ್ಕಿ ಪುಡಿ ಹಾಕಿದರೆ ಘಮ್ಮನೆಯ ಚಹಾ ಮತ್ತಷ್ಟು ರುಚಿ ಪಡೆಯುತ್ತದೆ.ಟೀ ಮಾಡುವಾಗ ನೀರು ಹಾಕಿ ಟೀ ಮಾಡುವ ಬದಲು, ಹಾಲನ್ನೇ ಇಟ್ಟು ಅದಕ್ಕೆ ಟೀ ಪುಡಿ ಹಾಕಿ ಮಾಡಿದರೆ ತುಂಬಾ ಚೆನ್ನಾಗಿರುವುದು .

೩. ತರಕಾರಿ ಬಾಡಿದ ಹಾಗಿದ್ದರೆ ನೀರಿಗೆ ನಿಂಬೆರಸ ಹಾಕಿ ಅದರಲ್ಲಿ ತರಕಾರಿಗಳನ್ನು 1/2 ಗಂಟೆ ಮುಳುಗಿಸಿಡಿ. ಮತ್ತೆ ಹೊಸದರಂತೆ ಹಾಗುತ್ತದೆ.

ಊಟವಾದ ಕೂಡಲೇ ಹಣ್ಣು ತಿಂದೀರಿ ಜೋಕೆ!

ಹಣ್ಣುಗಳನ್ನು ಯಾರು ಇಷ್ಟಪಡುವುದಿಲ್ಲ? ಪ್ರಕೃತಿಜನ್ಯವಾಗಿ ದೊರೆಯುವ ಅನೇಕ ಹಣ್ಣುಗಳನ್ನು ಈ ದುಬಾರಿ ಕಾಲದಲ್ಲಿ ಎಷ್ಟೇ ದುಡ್ಡು ತೆತ್ತಾದರೂ ಸರಿ ತಿನ್ನುವುದನ್ನು ಬಿಡುವುದಿಲ್ಲ. ಊಟವಾದನಂತರ ಹಣ್ಣು ಹೊಟ್ಟೆಗಿಳಿಸದಿದ್ದರೆ ತಿಂದದ್ದು ಅರಗುವುದಿಲ್ಲ ಎಂದು ತಿಂದೇ ತಿನ್ನುತ್ತೇವೆ. ಕೆಲವರಿಗೆ ಕೆಲವು ಹಣ್ಣುಗಳನ್ನು ಕಂಡರೆ ಅಲರ್ಜಿ ಇದ್ದರೂ ತಾವು ಇಷ್ಟಪಡುವ ಹಣ್ಣುಗಳನ್ನು ಕಷ್ಟಪಟ್ಟಾದರೂ ಸರಿ ತಿಂದೇ ತಿನ್ನುತ್ತಾರೆ. ಆದರೆ ಹಣ್ಣುಗಳನ್ನು ಯಾವಾಗ ತಿನ್ನಬೇಕು?

ಜಠರದಲ್ಲಿ ಸೇರಿದ ಆಹಾರದ ಜೊತೆ ಹಣ್ಣು ಕೂಡ ಸೇರುತ್ತಿದ್ದಂತೆ ಹೆಚ್ಚಿನ ಆಮ್ಲ ಬಿಡುಗಡೆಯಾಗಿ ಮೇಲಿನ ತಳಮಳಗಳು ಪ್ರಾರಂಭವಾಗುತ್ತವೆ. ಖಾಲಿ ಹೊಟ್ಟೆಯಲ್ಲಿ ಹಣ್ಣನ್ನು ತಿಂದರೆ ಅದು ಜಠರದ ಮೂಲಕ ನೇರವಾಗಿ ಸಣ್ಣಕರುಳನ್ನು ಸೇರುತ್ತದೆ. ಊಟವಾದ ಮೇಲೆ ತಿಂದರೆ ಸಣ್ಣಕರುಳಿಗೆ ನೇರವಾಗಿ ಸೇರದೆ ಆಹಾರದೊಡನೆ ಕೂಡಿ ಹೊಟ್ಟೆಯೂ ಹಾಳು, ಆರೋಗ್ಯವೂ ಹಾಳು.

ಖಾಲಿ ಹೊಟ್ಟೆಯಲ್ಲಿ ತಿಂದರೆ ಅನೇಕ ಪ್ರಯೋಜನಗಳಿವೆ. ಹಣ್ಣುಗಳು ನಮ್ಮ ಪಚನಕ್ರಿಯೆಯನ್ನು ಸರಳವಾಗಿಸುತ್ತವೆ. ಜಠರದಲ್ಲಿನ ವಿಷಕಾರಕಗಳನ್ನು ಹೊರಹಾಕುತ್ತವೆ. ಚೈತನ್ಯದ ಚಿಲುಮೆಯನ್ನಾಗಿ ಮಾಡುತ್ತವೆ. ಖಾಲಿ ಹೊಟ್ಟೆಯಲ್ಲಿ ಹಣ್ಣು ತಿಂದರೆ ಕೂದಲು ಬೇಗನೆ ನೆರೆಯುವುದನ್ನು, ತಲೆ ಬೋಳಾಗುವುದನ್ನು, ಕಣ್ಣಿನ ಸುತ್ತ ಕಪ್ಪು ಕಲೆಗಳಾಗುವುದನ್ನು, ಬೇಗನೆ ಸುಸ್ತಾಗುವುದನ್ನು ತಪ್ಪಿಸುತ್ತದೆ .

ಸ್ಪೂರ್ಥಿಸೆಲೆ 1-May-10

ಜೀವನದಲ್ಲಿ ಯಶಸ್ವಿಯಾಗಲು ಸ್ನೇಹಿತರು ಬೇಕು , ಇನ್ನೂ ಯಶಸ್ವಿಯಾಗಲು ಟೀಕಾಕಾರರು , ನಿಂದಕರು ಬೇಕು , ಅವರು ನಮ್ಮ ಸ್ನೇಹಿತರೆ .